Keridos todos,

Tuve grande regreto ke el dia (durante Hanuka) ke Albert Israel mos anunso  el programa sovre milagros via zoom, a mi me se mesklo los orarios, i lo pedri de verlo en bivo.  Oy finalmente vide el video.  No vos puedo dizir komo ke me emosyoni de ver i sintir a kada uno de los partisipantes.  Lo mas emosionante, i kreygo lo mas emportoante, es  lo ke mos kontaro mirakolos en sus vidas (Seyfi Isman de Estambol, Edmond Cohen de Fransia, Yehuda Saporta de Israel) i el pedaso eskrito por Yehuda Hatsvi ke mos meldo Albert.   Seguro los kantes i los bayles al empesijo, i los kantes entre medyas, i mos trusheron alegria i ermozura, i la introduksion de Dra. Tamar Alexander fue ekselente.  Yo personalmente lo marki komo un archivo de la istorya sefaradi, i intento de ir i ver este video mas vezes.  Si no lo vitesh, vo lo rekomendo de korason.  I si ya lo vitesh, ya vash a kerer verlo demuevo. https://www.youtube.com/watch?v=Tz-ui69Ecko

Kon grande amistad, vos oguro anyada buena a todos.
Rachel

רחל בורטניק, 3/1/2021